Bazkide-karneta, orain zure mugikorrean

Gaurtik aurrera, C.D. Berrizko bazkide guztiek karneta mugikorrean duzue. Horrekin Berrizburuko partidetara sartzen da, txarteldegian QR kode pertsonal bat erakutsiz: paperik gabe, plastikorik gabe eta beti eskura.

Zer abantaila ditu?

Beti zurekin: mugikorrean, ezin da etxean ahaztu.

Berehala sartzen zara: QRa txarteldegian erakutsi eta kito.

Plastikorik gabe: jasangarriagoa eta klubarentzat kosturik gabe.

Konexiorik gabe ere: irudi gisa deskargatu eta galerian gorde dezakezu.

Nola lortu?

1. Sartu cdberriz.com-en eta sakatu «Bazkide eremua» (mugikorrean, ☰ menuaren barruan).

2. Idatzi klubari emandako emaila eta sakatu «Jarraitu».

3. Sortu zure pasahitza (gutxienez 8 karaktere) eta sakatu «Kontua sortu».

4. Idatzi emailez jasoko duzun kodea eta sakatu «Egiaztatu eta sartu».

5. Prest! Zure karneta duzu, zure QRarekin. Hurrengo aldietan, sartu zure email eta pasahitzarekin.

Zure emaila ez dago zure fitxan edo ez zenion klubari emailik eman?

Sartzean zure emaila inongo fitxatan ez dagoela agertzen bazaizu, bete agertzen den eskaera eta klubak egiaztatu eta lotuko du. Klubari emailik eman ez bazenion, sakatu «Jarri klubarekin harremanetan» sarbide-pantailan.

Hobe digitalean

Karnet fisikoa bazkide eremutik eskatzen jarraitu daiteke, baina digitala erabiltzera animatzen zaituztegu: plastikozkoa denboraldi bakoitzean berriro inprimatu behar da eta klubarentzat kostu bat du.

Gida azkarra

Hemen duzu urratsez urratseko gida, zure bazkide eremuan egin dezakezun guztiarekin. PDFan ere deskarga dezakezu, albistearen amaieran.

Zalantzarik baduzu, idatzi iezaguzu webguneko Kontaktua ataletik. Aupa Berriz!